81

Якія асацыяцыі ў вас узнікаюць, калі чуеце словы сняжынкі, снегапад?

Калі я чую гэтыя словы – сняжынкі, снегапад ды і падобныя – я адразу пераношуся ў зіму, нават калі на двары лета. Для мяне зімовая пара года асаблівая, яна асацыюецца з бацькамі, дзядуляй і бабуляй, цеплынёй, пяшчотай – адным словам, нечым родным і добрым. Я адразу адчуваю водар хвоі, атмасферу новага года, калі чакаеш, што вось-вось адбудзецца нешта незвычайнае і цудоўнае. Прырода зімой засынае, і ты быццам застаешся сам-насам са сваімі думкаі, пачуццямі, са сваімі роднымі і блізкімі.