31. Надыход восені
1. Якія пачуцці выклікаў у вас верш Петруся Броўкі? Які настрой аўтара перададзены ў ім?
Верш выклікае пачуццё спакою і лёгкага суму. Аўтар перадае настрой ціхага развітання з летам і прыходу восені, якая хоць і прыносіць змены, але робіць гэта мякка і непрыкметна.
2. Што вы ўяўлялі ў час чытання твора? Раскажыце.
Падчас чытання я ўяўляў, як павуцінка ляціць у паветры, жоўтыя лісткі павольна ападаюць з дрэў, над ракой падымаецца туман, а ў паветры адчуваецца пах печанай бульбы. Усё гэта стварае карціну спакойнай і прыгожай восені.
3. Як вы разумееце выразы: «лета сышло», «адспявалі калоссі», восень «прыплыве павуцінкай», «гляне жоўтым лістком»?
«Лета сышло» – азначае, што летні час скончыўся, прыйшла восень.
«Адспявалі калоссі» – гэта значыць, што збожжа ўжо сабралі, і поле больш не шуміць ад спелых каласоў.
Восень «прыплыве павуцінкай» – восень надыходзіць непрыкметна, лёгка, як павуцінка, якая ляціць у паветры.
«Гляне жоўтым лістком» – восень паказвае сябе праз жоўтыя лісткі, якія пачынаюць ападаць з дрэў.
4. Назавіце словы, што абазначаюць дзеянні восені. Якія з іх ужыты ў пераносным сэнсе? Якія з іх «ажыўляюць» восень, робяць яе падобнай да жывой істоты? Знайдзіце і пра чытайце гэтыя словы.
«Прыплыве», «гляне», «усплыве», «устрывожыць», «зачаруе», «памахае».
У пераносным сэнсе: «прыплыве павуцінкай», «гляне жоўтым лістком», «усплыве туманом», «устрывожыць дымком», «зачаруе агнём», «памахае крылом».
Гэтыя словы «ажыўляюць» восень, робяць яе падобнай да жывой істоты, якая дзейнічае і ўплывае на навакольны свет.
5. Ці падабаецца паэту восень? Пацвердзіце радкамі з верша.
Паэту падабаецца восень: «Ты мне, восень, па сэрцу!»
6. Разгледзьце ілюстрацыі да верша (с. 30—31). Паразважайце, ці ўдалося мастаку перадаць настрой твора. Чаму вы так думаеце?
Мастаку ўдалося перадаць настрой твора. На першай ілюстрацыі паказаны жоўтыя і зялёныя дрэвы, што адпавядае апісанню восені ў вершы: «гляне жоўтым лістком з-пад зялёнай хусцінкі». На другой ілюстрацыі мы бачым восеньскі пейзаж з апалым лісцем і вожыкам, што стварае адчуванне спакою і цішыні, як і ў вершы.