1. Беларусь – мая Радзіма

1. Адкуль паходзіць назва «Радзіма», а адкуль — назва «Бацькаўшчына»?

Назва «Радзіма» паходзіць ад таго, што тут мы нарадзіліся, і яна нам самая родная з усіх краін у свеце. Назва «Бацькаўшчына» паходзіць ад таго, што краіна засталася нам у спадчыну ад бацькоў нашых, а ім ад іх бацькоў — нашых дзядоў.

2. Чаму нас называюць беларусамі, а нашу зямлю — Беларуссю?

Адны кажуць, што ад белага колеру льняной вопраткі і светлых валасоў нашых жыхароў. Іншыя сцвярджаюць, што белая — значыць вольная, бо белы колер ва ўсе часы быў сімвалам свабоднага жыцця.

3. Пералічыце нацыянальнасці людзей, якія жывуць у Рэспубліцы Беларусь.

У Беларусі жывуць беларусы, рускія, палякі, украінцы, літоўцы, яўрэі, татары і прадстаўнікі іншых нацыянальнасцей.

4. Чаму трэба ведаць гісторыю сваёй краіны?

Трэба ведаць гісторыю сваёй краіны, каб зразумець, як жылі людзі ў мінулым, чым яны займаліся, як баранілі сваю Радзіму, як жывуць яны цяпер і да чаго імкнуцца ў будучым.